| Dende antigo
o cultivo do viñedo é a
principal fonte de riqueza e a
razón de ser da comarca, aínda
que non se sabe cal é a orixe
das peculiares e únicas
variedades autóctonas do Ribeiro, pero si se sabe por testemuño de Estrabón, que alá
pola metade do século II antes
de Cristo xa se elaboraba viño
do Ribeiro.
Xa os romanos ao paso das súas
lexións por estas terras,
puxeron na mesa dos emperadores
romanos os viños do Ribeiro.
Pero se alguén merece un
recoñecemento especial na nosa
memoria histórica estes son os
monxes do Císter. Estos
relixiosos que se asentaron en
San Clodio, no municipio de
Leiro e construíron un mosterio
no que viviron ata non fai
moitos anos e que agora está
convertido en hotel monumento
foron os que observando o enorme
potencial do Ribeiro, ocupáronse
con gran agarimo e esmero do
coidado e estudo das variedades
autóctonas que hoxe en día nos
dan prestixio en todo o mundo.
É de salientar que o abade do
mosteiro de San Clodio, Pelagio
González, a metade do século XII,
indicase no seu testamento cal
fora a inxente labor de
reimplantación do viñedo e
presumise da gran calidade dos viños do Ribeiro, que ao amparo
do Camiño do Santiago, chegaran
a Europa da man de comerciantes
xudíos, que tamén á súa vez
deixaron en Ribadavia o seu gran
legado histórico e monumental.
Ademáis do efecto impusor do
mosteiro de San Clodio, hai que
citar aos monxes do mosteiro de
Oseira, tamén chamado o Escorial
Galego, que aínda que non se
encontre dento dos límites
xeográficos da Denominación de Orixe Ribeiro, os monxes que o
habitaban desplazáronse ás zonas
do Ribeiro bañadas polo río Miño
e alí asentaron numerosas
granxas e prioratos que se
adicaban ao cultivo da vide.
Aínda existen documentos dos
séculos XII e XIII nos que os
monxes de Oseira asinaron
contratos con distintos
propietarios de terreos no
Ribeiro para a plantación de
viñedo. |
BRANCAS:
