O viño
Tostado do Ribeiro é un viño
naturalmente doce, para a súa
elaboración unicamente utilízase
o mosto procedente da selección
das mellores uvas
convenientemente pasificadas a
cuberto.
A súa producción é moi pequena,
laboriosa e complexa, resultando
unha auténtica xoia da enoloxía
de características únicas.
Visualmente son
brillantes e de marcada
viscosidade, con tonalidades de
tendencia a tostados, que van
desde o dourado, ámbar, ata o
caoba.
Olfativamente son
intensos, extremadamente
complexos e peculiares, con
excelente integración da madeira
utilizada na maduración. Dentro
dos descriptores olfativos
pódense destacar froitas
pasificadas, froitos secos,
torrefactos, mel, flores
amarelas, doce de marmelo, pel
de laranxa confitada, melón
maduro...
Gustativamente son
concentrados, cunha agradable
entrada doce e cálida, que
evoluciona e compénsase no seu
paso combinándose con sensacións
saborosas e frescas para
resultar moi equilibrados e
amplos. O seu tacto é untuoso,
graxo e aterciopelado, e todo
poténciase cunha magnífica e
intensa aromática retronasal,
resultando moi profundos e
longos.
O Tostado do Ribeiro harmoniza
perfectamente con todo tipos de
doces, chocolates, froitos
secos, queixos, foie, xeados e
en xeral con pratos que permitan
un doce fresco.
As características
Físico/Químicas básicas do
viño Tostado do Ribeiro son:
- O grao alcohólico volumétrico
adquirido non será inferior de
13% vol.
- Os azucres residuais mínimos
non serán inferiores a 70 gramos
por litro. |
BRANCAS:
Información
adicional
Viño
branco
Viño
tinto
Viño
tostado
